τί δʼ ἐστὶ Φοίβῳ σοί τε κοινὸν ἐν μέσῳ;Κρέουσαἱερὸν τὸ σῶμα τῷ θεῷ δίδωμʼ ἔχειν.Ἴωνκἄπειτʼ ἔκαινες φαρμάκοις τὸν τοῦ θεοῦ;Κρέουσαἀλλʼ οὐκέτʼ ἦσθα Λοξίου, πατρὸς δὲ σοῦ.Ἴωνἀλλʼ ἐγενόμεσθα πατρός· οὐσίαν λέγω.Κρέουσαοὐκοῦν τότʼ ἦσθα· νῦν δʼ ἐγώ, σὺ δʼ οὐκέτι.Ἴωνοὐκ εὐσεβεῖς γε· τἀμὰ δʼ εὐσεβῆ τότʼ ἦν.Κρέουσαἔκτεινά σʼ ὄντα πολέμιον δόμοις ἐμοῖς.Ἴωνοὔτοι σὺν ὅπλοις ἦλθον ἐς τὴν σὴν χθόνα.Κρέουσαμάλιστα· κἀπίμπρης γʼ Ἐρεχθέως δόμους.Ἴωνποίοισι πανοῖς ἢ πυρὸς ποίᾳ φλογί;