πῶς οὖν; τί δράσεις; πότερα φάσγανον χερὶλαβοῦσα γραίᾳ φῶτα βάρβαρον κτενεῖς,ἢ φαρμάκοισιν ἢ ʼπικουρίᾳ τινί;τίς σοι ξυνέσται χείρ; πόθεν κτήσῃ φίλους;Ἑκάβηστέγαι κεκεύθασʼ αἵδε Τρῳάδων ὄχλον.Ἀγαμέμνωντὰς αἰχμαλώτους εἶπας, Ἑλλήνων ἄγραν;Ἑκάβησὺν ταῖσδε τὸν ἐμὸν φονέα τιμωρήσομαι.Ἀγαμέμνωνκαὶ πῶς γυναιξὶν ἀρσένων ἔσται κράτος;Ἑκάβηδεινὸν τὸ πλῆθος σὺν δόλῳ τε δύσμαχον.Ἀγαμέμνωνδεινόν· τὸ μέντοι θῆλυ μέμφομαι γένος.Ἑκάβητί δʼ; οὐ γυναῖκες εἷλον Αἰγύπτου τέκνακαὶ Λῆμνον ἄρδην ἀρσένων ἐξῴκισαν;ἀλλʼ ὣς γενέσθω· τόνδε μὲν μέθες λόγον,πέμψον δέ μοι τήνδʼ ἀσφαλῶς διὰ στρατοῦγυναῖκα. — καὶ σὺ Θρῃκὶ πλαθεῖσα ξένῳλέξον· Καλεῖ σʼ ἄνασσα δή ποτʼ ἸλίουἙκάβη, σὸν οὐκ ἔλασσον ἢ κείνης χρέος,καὶ παῖδας· ὡς δεῖ καὶ τέκνʼ εἰδέναι λόγουςτοὺς ἐξ ἐκείνης. — τὸν δὲ τῆς νεοσφαγοῦςΠολυξένης ἐπίσχες, Ἀγάμεμνον, τάφον,