οὔθ’ ἥδομαι τοῖσδ’ οὔτ’ ἐπάχθομαι κακοῖς.Ἄγγελοςπῶς οὖν; κομίζειν, ἢ τί χρὴ τὸν ἄθλιονδράσαντας ἡμᾶς σῇ χαρίζεσθαι φρενί;φρόντιζ’· ἐμοῖς δὲ χρώμενος βουλεύμασινοὐκ ὠμὸς ἐς σὸν παῖδα δυστυχοῦντ’ ἔσῃ.Θησεύςκομίζετ’ αὐτόν, ὡς ἰδὼν ἐν ὄμμασιντὸν τἄμ’ ἀπαρνηθέντα μὴ χρᾶναι λέχηλόγοις τ’ ἐλέγξω δαιμόνων τε συμφοραῖς.

Χορόςσὺ τὰν θεῶν ἄκαμπτον φρένα καὶ βροτῶνἄγεις, Κύπρι, σὺν δ’ὁ ποικιλόπτερος ἀμφιβαλὼνὠκυτάτῳ πτερῷ.ποτᾶται δὲ γαῖαν εὐάχητόν θ’ἁλμυρὸν ἐπὶ πόντον.θέλγει δ’ Ἔρως, ᾧ μαινομένᾳ κραδίᾳπτανὸς ἐφορμάσῃ χρυσοφαής,φύσιν ὀρεσκόων σκυλάκων πελαγίων θ’ὅσα τε γᾶ τρέφειτά τ’ ἀέλιος αἰθόμενα δέρκεται,