— 56. ἡ τῶν συγγενῶν ἔχθρη τῆς τῶν ὀθνείων χαλεπωτέρη μάλα.
— 57. μὴ ὕποπτος πρὸς ἅπαντας, ἀλλ’ εὐλαβὴς γίνου καὶ ἀσφαλής.
— 58. χάριτας δέχεσθαι χρεὼν προσκοπευόμενον κρέσσονας αὐτῶν ἀμοιβὰς ἀποδοῦναι.
— 59. χαριζόμενος προσκέπτεο τὸν λαμβάνοντα, μὴ κακὸν’ ἀντ’
ἀγαθοῦ κίβδηλος ἐὼν ἀποδῶι.
DEMOKRAT. 60. μικραὶ χάριτες
ἐν καιρῷ μέγισται τοῖς λαμβάνουσι.
— 61. τιμαὶ παρὰ τοῖς εὖ φρονέουσι μέγα δύνανται,
οἳ ξυνιᾶσι τιμώμενοι.
— 62. χαριστικὸς οὐχ ὁ βλέπων πρὸς τὴν ἀμοιβήν, ἀλλ’
ὁ εὖ δρᾶν προῃρημένος.
— 63. πολλοὶ δοκέοντες εἶναι φίλοι οὐκ εἰσί, καὶ οὐ δοκέοντες εἰσίν.
— 64. ἑνὸς φιλίη ξυνετοῦ κρέσσων ἀξυνέτων πάντων.
— 65. ζῆν οὐκ ἄξιος, ὅτῳ μηδὲ εἷς ἐστι χρηστὸς φίλος.
— 66. ὅτεῳ μὴ διαμένουσιν ἐπὶ πολλὸν οἱ πειραθέντες φίλοι, δύστροπος.
— 67. ἐκτρέπονται πολλοὶ τοὺς φίλους, ἐπὴν ἐξ
εὐπορίης εἰς πενίην μεταπέσωσιν.
— 68. καλὸν ἐν παντὶ τὸ ἰσον· ὑπερβολὴ δὲ καὶ
ἔλλειψις οὔ μοι δοκέει.
— 69. οὐδ’ ὑφ’ ἑνὸς φιλέεσθαι δοκέει μοι ὁ φιλέων μηδένα.
— 70. γέρων εὔχαρις ὁ αἱμύλος καὶ σπουδαιόμυθος.
— 71. σώματος κάλλος ζῳῶδες, ἤν μὴ νοῦς ὑπῇ .
— 72. ἐν εὐτυχίῃ φίλον εὑρεῖν εὔπορον, ἐν δὲ δυστυχίῃ πάντων ἀπορώτατον.
— 73. φίλοι οὐ πάντες οἱ ξυγγενέες, ἀλλ’ οἱ
ξυμφωνέοντες περὶ τοῦ ξυμφέροντος.
— 74. ἄξιον ἀνθρώπους ὄντας ἐπ’ ἀνθρώπων
συμφοραῖς μὴ γελᾶν, ἀλλ’ ὀλοφύρεσθαι.
— 75. διζημένοισι τἀγαθὰ μόλις παραγίνεται, τὰ δὲ
κακὰ καὶ μὴ διζημένοισιν [Stob. IV. 34, 58 H.]