Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. pellit et in cumulum redeuntes surgere cogit,
  2. donec contractis aestum attollente profundo
  3. undique litoribus summo se circite iungat
  4. fluctus et oppressis concurrant aequora terris. [*]( Gen. 7, 18 et 19 )
  5. et iam ter quinis super omnia celsior ulnis [*](Gen. 7, 20 )
  6. arca ferebatur; namque haec mensura supremos [*]( Gen. 7, 19 )
  7. excessit. montes, cum quadraginta diebus [*](Gen. 7, 12)
  8. ullius pluuiae furor et nox una fuisset.
  9. ter quinquagenis post solibus aere sudo
  10. cum similis ponti modus et mensura maneret, [*]( Gen. 7, 24 )
  11. clausorum omnipotens miserans decedere magnum [*]( Gen. 8, 3 )
  12. paulatim iussit pelagus, seu parcere cunctis,
  13. quas poterat fugiens raptim subuertere, terris
  14. seu clausis uoluit, sensim quos unda relabens
  15. tutius in sedem stabilem subducta locaret.
  16. denique mons t aer diffuso uertice planus [*]( Gen.8,4 )
  17. )uecturus suscepit onus. iam summa uideri [*]( Gen. 8, 5 )
  18. posse iuga ac planos scopulis distinguere fluctus
  19. cumque residenti sensim prorumpere siluae
  20. aequore et occulti paulatim surgere colles.