Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. percussoque animo, quo se tortore profundo
  2. uindicat omne nefas, corpus quoque frangeret horror
  3. criminis ac totos uehemens exiret in artus
  4. motaque praecipiti raperentur membra rotatu, [*]( Gen. 4, 12 )
  5. ut labris saepti latices cum luce recussa
  6. exceptos frangunt radios, subit atria fulgor
  7. lubricus et totum perlustrans nusquam et ubique est;
  8. cumque tremit, sensim sublustri intexta corusco
  9. linea caeruleae sine fine intermicat umbrae.
  10. non erat is motus, quem neruis frigidus umor
  11. incutit adstrictis, media cum morte repletos
  12. sic rigat, ut totam nequeant amittere uitam:
  13. sed qualem ciet ira dei, cum conscia mentem
  14. uis domat et sano torquentur corda furore.
  15. t quid tamen et quotiens talis sententia ? totum est
  16. ultio (iam) facinus caesi, iustissima saeui
  17. poena rei, terror genti populoque futuro
  18. propositum exemplum, praesens purgatio culpae
  19. et quod promisit signum custodia uitae: [*]( Gen. 4, 15 )
  20. ne quisquam perimat ferroque abolere laboret