Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. ipsorum ratione proba, qui credere nolunt
  2. et mundum pendere uolunt, quem conditor ipse
  3. inconprensibili semper ratione gubernans\'
  4. gestet et inmenso constantem pondere uoluat.
  5. Tertia lux tumidos stupuit discedere fluctus, [*]( Gen. 1, 9 )
  6. cum deus inpulsis reliqui iam gurgitis undis
  7. aeriis magnum spatiis patefecit inane.-
  8. arida tunc primum mundi pars ima retectam [*]( Gen. 1, 10 )
  9. ostendit faciem tremefactaque numine uerbi
  10. caerula nudatas cinxerunt aequora terras.
  11. quas uario raptim iussas uirescere fetu
  12. luxuriosa nouo texerunt germina limo [*]( Gen. l, 11 sq. )
  13. et rudis e tenero prorumpens caespite laetis
  14. iactauit se silua comis ac frugibus ipsis,
  15. quaeque ferens proprium semen, testata satorem est.
  16. Iam tribus exactis motu succensa citato [*]( Gen. 1, 14 )
  17. in flammas ignisque globum se cogere iussa est
  18. solis prima dies fundataque semina lucis [*]( Gen. l, 1C )
  19. puniceos roseo sparserunt fomite crines,
  20. lunaque, noctis honor, proprio seu lumine fulsit