Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. corpore uelato denudatura pudorem.
  2. nec satis hoc trepidis. quid agant, qua crimen inustum
  3. seque ipsos fugiant? cuperent, si forte paterent,
  4. condere se terris: adeo contermina poenae
  5. culpa suae est, ut iam miseros mortale pauentes
  6. mortis imago iuuet. siluas umbrosaque lustra [*]( Gen. 3, 8 )
  7. obtendunt, uanae solacia falsa latebrae.
  8. nam quo te timidum fas est subducere corpus,
  9. te, te, inquam, qui mox primus retrahendus es, Adam?
  10. uirtus uiua patris mundi occultissima praesens
  11. implet et inmensos exit diffusa recessus.
  12. sed uerum nefas est pauidos fraudare latebra.
  13. ille potest dominum fugiens euadere summum,
  14. qui fugit ad dominum, sola quem mente relinquens
  15. quam uastis iaceas et non celere tenebris.
  16. uoce uocans ubi sis pariter testatur utrumque. [*]( Gen. 3, 9 )
  17. nam cur te cernens quaerit deus et, cui praesens
  18. semper eris, cui te proprio subducere furto
  19. nec mors ipsa potest, fragili quam mente subisti,
  20. 460 cur ubi sis quaerit, nisi quod te more doloris