Carmen Paschale
Sedulius
Sedulius. Sedulii Opera omnia (Corpus Scriptorum Ecclesiasticorum Latinorum, Volume 10). Huemer, Johann, editor. Vienna: Gerold, 1885
- Expulerat primogenitum saeuissimus anguis
- Florigera de sede uirum blandique saporis
- Inlecebris letum misero portarat amarum.
- Nec solus meritam praesumptor senserat iram
- Mortali sub lege iacens, sed prorsus ab ipso
- Humanum simul omne genus. heu, noxia coniux!
- Noxia tu coniux magis an draco perfidus ille?
- Perfidus ille draco, sed tu quoque noxia coniux.
- Pro dolor! aeterni fuerant duo. crescere posquam
- Coepit origo, perit clademque a semine sumpsit.
- Quid numerosa dies, quid tempore proderat illo
- Cernere nongentos ultra feliciter annos