Dittochaeon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. Perfundit fluvio pastus Baptista locustis
  2. silvarumque favis et amictus veste cameli;
  3. tinxerat et Christum, sed Spiritus aethere missus
  4. testatur tinctum qui tinctis crimina donet.
  1. Excidio templi veteris stat pinna superstes;
  2. structus enim lapide ex illo manet angulus usque
  3. in saeclum saecli, quem sprerunt aedificantes;
  4. nunc caput est templi et lapidum conpago novorum.
  1. Foedera coniugii celebrabant auspice coetu
  2. forte Galilei; iam derant vina ministris;
    3. p.362
  3. Christus vasa iubet properanter aquaria lymphis
  4. inpleri; inde meri veteris defenditur unda.
  1. morborum medicina latex, quem spiritus horis
  2. eructat variis fusum ratione latenti;
  3. Siloam vocitant, sputis ubi conlita caeci
  4. lumina Salvator iussit de fonte lavari.