Contra Orationem Symmachia
Prudentius
Prudentius, Volume 1-2. Thomson, H. J, editor. London; Cambridge, Mass.: William Heinemann Ltd., Harvard University Press, 1949-1953 (printing).
- non, ut discipulum Petrum,
- fidentem et merito et fide,
- sed quem culpa frequens levem
- volvat per freta naufragum.
- sum plane temerarius,
- qui noctis mihi conscius
- quam vitae in tenebris ago,
- puppem credere fluctibus
- tanti non timeam viri;
- quo nunc nemo disertior
- exultat, fremit, intonat,
- ventisque eloquii tumet:
- cui mersare facillimum est
- tractandae indocilem ratis,
- ni tu, Christe potens, manum
- dextro numine porrigas,
- facundi oris ut inpetus
- non me fluctibus obruat,
- sed sensim gradiens vadis
- insistam fluitantibus.
v.2.p.6