Hamartigenia

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. respicit auctorem, nec spem super aera librat,
  2. sed mentem gravidis contentam stertere curis
  3. indigno subdit domino perituraque pronus
  4. diligit et curvo quaerit terrestria sensu.
  5. hoc pulchrum quod terra parit, quod gloria confert
  6. lubrica, commendat quod perniciosa voluptas,
  7. quod velut excitus difflato pulvere ventus
  8. praeterit, exemplo tenuis quod transvolat umbrae,
  9. his aegras animas morborum pestibus urget
  10. praedo potens, tacitis quem viribus interfusum
  11. corda bibunt hominum; serit ille medullitus omnes
  12. nequitias spargitque suos per membra ministros,
  13. namque illic numerosa cohors sub principe tali
    14. p.232
  14. militat horrendisque animas circumsidet armis,
  15. Ira, Superstitio, Maeror, Discordia, Luctus, 1
  16. Sanguinis atra Sitis, vini Sitis et Sitis Auri,
  17. Livor, Adulterium, Dolus, Obtrectatio, Furtum,
  18. informes horrent facies habituque minaces.
  19. Ambitio ventosa tumet, Doctrina superbit,
  20. personat Eloquium, nodos Fraus abdita nectit.