Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- libido sordens, inverecundus lepos,
- variaeque pestes languidorum sensuum
- parcam subactae disciplinam sentiunt.
- nam si licenter diffluens potu et cibo
- ieiuna rite membra non coerceas,
- sequitur frequenti marcida oblectamine
- scintilla mentis ut tepescat nobilis,
- animusque pigris stertat in praecordiis.
- frenentur ergo corporum cupidines,
- detersa et intus emicet prudentia;
- sic excitato perspicax acumine
- liberque flatu laxiore spiritus