Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. Ionam prophetam mitis ultor excitat,
  2. poenae inminentis iret ut praenuntius,
  3. sed nosset ille qui minacem iudicem
  4. servare malle quam ferire ac plectere,
    5. p.64
  5. tectam latenter vertit in Tharsos fugam.
  6. celsam paratis pontibus scandit ratem,
  7. udo revincta fune puppis solvitur,
  8. itur per altum: fit procellosum mare,
  9. tum causa tanti quaeritur periculi,
  10. sors in fugacem missa vatem decidit.
  11. iussus perire solus e cunctis reus,
  12. cuius voluta crimen urna expresserat,
  13. praeceps rotatur et profundo inmergitur:
  14. exceptus inde beluinis faucibus,
  15. alvi capacis vivus hauritur specu.
  16. transmissa raptim praeda cassos dentium
  17. eludit ictus incruentam transvolans
  18. inpune linguam, ne retentam mordicus
  19. offam molares dissecarent uvidi,
  20. os omne transit, et palatum praeterit.