Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- quorum regressus unus
- dat poculum tyranno,
- ast alterum rapaces
- fixum vorant volucres.
- ipsum deinde regem,
- perplexa somniantem,
- monuit famem futuram
- clausis cavere acervis.
- mox praesul ac tetrarches
- regnum per omne iussus
- sociam tenere virgam,
- dominae resedit aulae.
- o quam profunda iustis
- arcana per soporem
- aperit tuenda Christus,
- quam clara, quam tacenda!
- evangelista summi
- fidissimus Magistri
- signata quae latebant
- nebulis videt remotis: