Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- o tortuose serpens,
- qui mille per meandros
- fraudesque flexuosas
- agitas quieta corda,
- discede, Christus hic est,
- hic Christus est, liquesce.
- signum quod ipse nosti
- damnat tuam catervam.
- corpus licet fatiscens
- iaceat recline paulum,
- Christum tamen sub ipso
- meditabimur sopore.
- O Nazarene, lux Bethlem, verbum Patris,
- quem partus alvi virginalis protulit,
- adesto castis, Christe, parsimoniis,
- festumque nostrum rex serenus aspice,
- ieiuniorum dum litamus victimam.
- nil hoc profecto purius mysterio,
- quo fibra cordis expiatur vividi,
- intemperata quo domantur viscera,
p.58