Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. nectar de liquido vertice fervidum
  2. guttatim lacrimis stillat olentibus,
  3. ambustum quoniam vis facit ignea
    4. p.40
  4. imbrem de madido flere cacumine.
  5. splendent ergo tuis muneribus, Pater,
  6. flammis nobilibus 1 scilicet atria,
  7. absentemque diem lux agit aemula,
  8. quam nox cum lacero victa fugit peplo.
  9. sed quis non rapidi luminis arduam
  10. manantemque Deo cernat originem?
  11. Moses nempe Deum spinifero in rubo
  12. vidit conspicuo lumine flammeum.
  13. felix qui meruit sentibus in sacris
  14. caelestis solii visere principem,
  15. iussus nexa pedum vincula solvere
  16. ne sanctum involucris pollueret locum.
  17. hunc ignem populus sanguinis inclyti,
  18. maiorum meritis tutus et inpotens,
  19. suetus sub dominis vivere barbaris,
  20. iam liber sequitur longa per avia.