Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. sint fera gentibus indomitis
  2. prandia de nece quadrupedum;
  3. nos holeris coma, nos siliqua
  4. feta legumine multimodo
  5. paverit innocuis epulis.
  6. spumea mulctra gerunt niveos
  7. ubere de gemino latices,
  8. perque coagula densa liquor
  9. in solidum coit, et fragili
  10. lac tenerum premitur calatho.
  11. mella recens mihi Cecropia
  12. nectare sudat olente favus;
  13. haec opifex apis aërio
    14. p.24
  14. rore liquat tenuique thymo,
  15. nexilis inscia conubii.
  16. hinc quoque pomiferi nemoris
  17. munera mitia pro veniunt;
  18. arbor onus tremefacta suum
  19. deciduo gravis imbre pluit
  20. puniceosque iacit cumulos.