Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. spes eadem mea membra manet,
  2. quae redolentia funereo
  3. iussa quiescere sarcophago,
  4. dux parili redivivus humo
  5. ignea Christus ad astra vocat.
    6. p.32
  1. Pastis visceribus ciboque sumpto,
  2. quem lex corporis inbecilla poscit,
  3. laudem lingua Deo Patri rependat,
  4. Patri, qui Cherubin sedile sacrum
  5. nec non et Seraphin suum supremo
  6. subnixus solio tenet regitque.
  7. hic est quem Sabaoth Deum vocamus,
  8. expers principii carensque fine,
  9. rerum conditor et repertor orbis,
  10. fons vitae liquida fluens ab arce,
  11. infusor fidei, sator pudoris,
  12. mortis perdomitor, salutis auctor.
  13. omnes quod sumus aut vigemus, inde est.
  14. regnat Spiritus ille sempiternus
  15. a Christo simul et Parente missus.