Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. iure ergo se Iudae ducem
  2. vidisse testantur magi,
  3. cum facta priscorum ducum
  4. Christi figuram pinxerint.1
  5. hic rex priorum iudicum,
  6. rexere qui Iacob genus,
  7. dominaeque rex ecclesiae,
  8. templi et novelli et pristini.
  9. hunc posteri Ephrem colunt,
  10. hunc sancta Manassae domus,
  11. omnesque suspiciunt tribus
  12. bis sena fratrum semina,
  13. p.114
  14. quin et propago degener
  15. ritum secuta inconditum,
  16. quaecumque dirum fervidis
  17. Bahal caminis coxerat,
  18. fumosa avorum numina,
  19. saxum, metallum, stipitem,
  20. rasum, dolatum, sectile,
  21. in Christi honorem deserit.