Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- vagitus ille exordium
- vernantis orbis prodidit,
- nam tunc renatus sorididum
- mundus veternum depulit.
- sparsisse tellurem reor
- rus omne densis floribus,
- ipsasque harenas Syrtium
- fragrasse nardo et nectare.
- te cuncta nascentem, puer,
- sensere dura et barbara,
- victusque saxorum rigor
- obduxit herbam cotibus.
- iam mella de scopulis fluunt,
- iam stillat ilex arido
- sudans amomum stipite,
- iam sunt myricis balsama.
- o sancta praesepis tui,
- aeterne rex, cunabula,
- populisque per saeclum sacra
- mutis et ipsis credita!
p.100