Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- stragem sed istam non tulit
- Christus cadentum gentium,
- inpune ne forsan sui
- Patris periret fabrica,
- mortale corpus induit,
- ut excitato corpore
- mortis catenam frangeret,
- hominemque portaret Patri.
- hic ille natalis dies,
- quo te creator arduus
- spiravit et limo indidit,
- sermone carnem glutinans.
- sentisne, virgo nobilis,
- matura per fastidia
- pudoris intactum decus
- honore partus crescere?
- o quanta rerum gaudia
- alvus pudica continet,
- ex qua novellum saeculum
- procedit et lux aurea!
p.98