Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- hoc provida Christicolarum
- pietas studet, utpote credens
- fore protinus omnia viva
- quae nunc gelidus sopor urget.
- qui iacta cadavera passim
- miserans tegit aggere terrae,
- opus exhibet ille benignum
- Christo pius omnipotenti,
- quia lex eadem monet omnes
- gemitum dare sorte sub una,
- cognataque funera nobis
- aliena in morte dolere.
- sancti sator ille Tobiae,
- sacer ac venerabilis heros,