Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- sed dum resolubile corpus
- revocas. Deus, atque reformas,
- quanam regione iubebis
- animam requiescere puram?
- gremio senis addita sancti
- recubabit, ut est Eleazar,
- quem floribus undique saeptum
- dives procul aspicit ardens.
- sequimur tua dicta, Redemptor
- quibus atra e morte triumphans
- tua per vestigia mandas
- socium crucis ire latronem.
p.94