Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. nexus denique, qui manus retrorsus
  2. in tergum revocaverant revinctas,
  3. intacta cute decidunt adusti.
  4. non ausa est cohibere poena palmas
  5. in morem crucis ad Patrem levandas;
  6. solvit bracchia, quae Deum precentur.
  7. priscorum specimen trium putares,
  8. quos olim Babylonicum per ignem
  9. cantantes stupuit tremens tyrannus.
  10. illis sed pia flamma tunc pepercit
  11. nondum tempore passionis apto,
  12. nec mortis decus inchoante Christo.
  13. hos cum defugeret vaporus ardor,
  14. orant ut celer ignis advolaret
  15. et finem daret anxiis periclis.
  16. exorata suos obire tandem
  17. maiestas famulos iubet caducis
  18. missos corporibus sibique reddi.
  19. vidit praesidis ex domo satelles
  20. caelum martyribus patere apertum