Liber Peristephanon
Prudentius
Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).
- adesto nunc et percipe
- voces prccantum supplices,
- nostri reatus efficax
- orator ad thronum Patris.
- per te, per illum carcerem,
- honoris augmentum tui,
- per vincla, flammas, ungulas,
- per carceralem stipitem,
- per fragmen illud testeum,
- quo parta crevit gloria,
- et quem trementes posteri
- exosculamur lectulum,
- miserere nostrarum precum,
- placatus ut Christus suis
- inclinet aurem prosperam
- noxas nec omnes inputet.
p.202