Liber Peristephanon
Prudentius
Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).
- unam decemplex edita sexies
- merces perenni lumine conficit,
- centenus extat fructus in altera.
- o virgo felix, o nova gloria,
- caelestis arcis nobilis incola,
- intende nostris conluvionibus
- vultum gemello cum diademate,
- cui posse soli cunctiparens dedit
- castum vel ipsum reddere fornicem,
- purgabor oris propitiabilis
- fulgore, nostrum si iecur inpleas.
- nil non pudicum est quod pia visere
- dignaris almo vel pede tangere.