Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. Candida Massa dehinc dici meruit per omne saeclum.
    2. p.336
  2. laetior interea iam Thascius ob diem suorum
  3. sistitur indomiti proconsulis eminus furori,
  4. edere iussus erat quid viveret: unicultor, inquit,
  5. trado salutiferi mysteria consecrata Christi.
  6. ille sub haec: ‘satis est iam criminis, ipse confitetur
  7. Thascius, ipse Iovis fulmen negat, expedite ferrum,
  8. carnifices, gladio poenam luat hostis idolorum.’
  9. ille Deo meritas grates agit et canit triumphans.
  10. flevit abire virum maesta Africa, quo docente facta est
  11. cultior, eloquio cuius sibi docta gloriatur;
  12. mox tumulum lacrimans struxit cineresque consecravit.
  13. desine flere bonum tantum, tenet ille regna caeli,
  14. nec minus involitat terris nec ab hoc recedit orbe:
  15. disserit, eloquitur, tractat, docet, instruit, prophetat,
  16. nec Libyae populos tantum regit; exit usque in ortum
  17. solis et usque obitum, Gallos fovet, inbuit Britannos,
  18. praesidet Hesperiae, Christum serit ultimis Hiberis,
  19. denique doctor humi est, idem quoque martyr in supernis,
  20. instruit hic homines, illinc pia dona dat patronus.