De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. ut modo captiuos duris laxantia poenis,
  2. liminibus exclusa piis, donata redemptis
  3. seruarent numerata fidem, contempta rigorem.
    4. [*]( 832] cf. 1,267. 834] cf. 1111,810. 837] cf.IIII, 147. II, 532. 840] cf. 481. )[*]( 828 sollicito Iuretus: sollicita BPS cod. Iureti affectu PS 830 protere IV proteret ii2 exaustis IiSn 831 tellorem P terrorem S cod. Iureti 834 exeam R setoso S carmen S 835 dominus om, S amictu S 836 finitam S penitus B mitisceret RP iram R iras S 837 obtatae P 843 praedicta v 845 medicis S mercis P 846 munitica v peaterent P 847 grauisus P 848 affectum PS 851 usos R 852 ne om. R 854 penis P 856 numerata] admissa v )
    138
  4. Perge igitur praemissa sequens, promissa reposcens,
  5. antistes, claram caeli sublimis ad arcem,
  6. astrigeram sortite domum rutilamque coronam,
  7. qui cunctam rabiem diri totumque furorem
  8. daemonis in paruam potuisti adstringere muscam.
  9. at nos praesentes semper uenerabimur artus,
  10. donec ad aeternam redeas cum corpore uitam,
  11. sanctorum adnexus tumulis, iungende coronis.
  12. uix solum a nobis potuisti abscondere uultum,
  13. nobiscum pietate manens. te saepe frequentes
  14. inuisunt populi, coram curatio uiuit,
  15. adsunt optatae confestim dona salutis.
  16. uerba silent, sed signa nitent. si corpore paulum
  17. a uisu abstraheris, praesens uirtute uideris.
  18. quam precor ut miseri manifeste in corde poetae
  19. semper adesse uelis, ut, cum meditatio carmen
  20. finierit, teneat transcripta oratio laudem.