De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. quod semel ex oculis cunctorum amota uirorum
  2. seruabat coeptum constanti corde rigorem,
  3. nec leuis instabili nutabat femina sensu,
  4. uincens ingenitum uirtutis pondere sexum
  5. et praegressorum uix rara exempla uirorum.
  6. huius propositi iusta admiratio sanctum
  7. perpulit, ut talem recte ueneratus adiret
  8. inlectus tanto uirtutum flore puellam.
  9. uerum ita constanti defixa in pectore mansit
  10. iam domino deuota fides, ut claustra pudoris
  11. septa uiris, clarae titulos seruantia palmae,
  12. nec tanti posset meritum reserare patroni.
  13. nec tamen erubuit uotiuam ferre repulsam