De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. spirare exiguum glaciali a pectore flatum,
  2. filaque uenarum rupto pereuntia pulsu
  3. ordine praeciso quaerentem linquere dextram:
  4. ad terram toto confestim corpore pronus
  5. sternitur, a domino uerbi medicamina poscens,
  6. cui iussisse sat est atque artem uincere nutu.
  7. sensit adesse deum. promi deposcit oliuum.
  8. oblato accedit benedictio sancta liquori.
  9. exim mutati congaudens unguine suci
  10. singula contingit medicato chrismate membra.
  11. admota expellit ueterem pia dextra dolorem,
  12. atque impetratae felicia dona salutis
    13. [*]( 514] cf. Fortunat. V. M. I, 420. 515] cf. 469. 521] cf. 490. I, 340. s )[*](506 erumnain B1 507 extat (s acid. m. 2) R 508 demet RP 509 gemitor P 510 assiduo S iustosque P 511 praecibus P e 513 moesta S 516 semineci R 518 plebem (sic) P 520 paenitus IVP 521 suspirare P suspiria v glocialia ex glacialia P in pectore atum Wopkens flatum P (corrector maluit fatum) 522 ruptu lilP 525 uerbis v possens P 526 cuius sisse P adque IPP 529 exin S ungine 81 530 contigit 11 crismate 8 532 adque lilP imperatae BlP )
    55
  13. ad tactum medici paulatim infusa recurrunt.
  14. sic morbis cuncta membrorum a parte fugatis
  15. reddita succedit uegetato corpore uirtus.
  16. mox ualida exsurgit populo mirante puella,
  17. et stabiles gressus diuino munere sistens
  18. dat laudem domino per sancta altaria Christo.
  19. Quod postquam uirtutis opus celeberrima coetu
  20. moenia conpleuit, certatim accurrere cuncti,