Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. nam uetus et studio pugnandi promptior hostis
    2. [*]( 63 zephirus T 67 megatur T 71 lincei T 73 hoc si add. Mai 76 immistus fort. 78 patent Mai, parent T 81 primis Mai, primus T 86 pi T, plura coni. Mai 89 quanuis T )
    353
  2. incautum uariis artibus exagitat,
  3. auditu uisu gustu tactuque placentes
  4. obiciens semper callidus illecebras,
  5. ut, pars si qua meis membris male firma uacillet,
  6. ceu patulum populans intret ouile lupus
  7. et leo secretis rapidus prorumpat ab antris,
  8. incustoditum si patet ire pecus.
  9. sed tu, sancte deus, sensus si uerba loquuntur
  10. et non mens aliud, lingua aliud loquitur,
  11. sollicitus cupidus deuotus pectore et ore
  12. pulso; patere iube, da, peto quaero, doce,
  13. qua fas quaque pium est mortalem noscere, quam sis
  14. supplicibus facilis quotue quibusue modis.
  15. peccatis ignosce meis; leuioribus utor
  16. quam sint factorum pondera nominibus.
  17. criminibus ignosce magis; iam sentiat ipse
  18. quae mihi molitur tela furens coluber,
  19. atque per innumeros escis fallentibus hamos
  20. captiuum teneant, sic rogo, quae sua sunt.