Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- uoluentem sine fine rotam et reuolubile saxum,
- cassaque sudantum dolia Danaidum.
- haec inopes ueri uanis cecinere poetae,
- qui Christum ueri non tenuere caput.
- at nos uera deus docuit, sator ipse suorum
- enarrans nobis omnia uera operum.
- disce euangelio loca pauperis et loca ditis:
- pauper in Abraham, diues in igne iacet.
- iustitia mutante uices qui fleuerat istic
- gaudet ibi, et pleno paupere diues eget.
- iste bona requie fruitur, gemit ignibus ille,
- diues opum poenas, pauper opes recipit.
- mendicat diues modicum de paupere rorem,
- quem mendicantem spreuerat in superis.
- inde in eum ardentem nec parua e pauperis imo [*]( 488] (Luc. 16). )[*]( 469 aggere T, agmine BOv 472 occursum T angelis B 474 saeuit n hiante] se dirimente T 476 latrateim 0 477 torrentemque T caronem BO 478 criminibuB B euminedas 0, eminedas B 479 aaernam 0 tition T, tyton B, tyron 0 aesoam 0 481 et] met B 482 crassaque T 488 eueri 0 uanis BOv, uani T 484 tenuerit B 485 ad B 486 uera Tv, uero 0, uana B 487 euuangelio B 491 ille Tv, illa BO 494 qui B 495 parua e scripsi, paruae 0, parue B, pauper T, parui v )
- stillauit digito gutta refrigerii,
- de magnis quoniam dapibus nec mica referto
- esurientis in os pauperis exciderat.
- his monitis sanctam discamus uiuere Christo
- iustitiam et partem ponere pauperibus.
325