Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- naturam mutante deo, ut damnaret acerba
- mente feros homines humana pace ferarum.
- sic et crudelem confudit flamma tyrannum
- sanctis spectantem pueris seruire caminos [*]( 247] (Ios. 10,13). 255] (Dan. 14). )[*]( 236 israhel AD deus est tuus Bx 238 manna e D ortiois T 241 protentam T nocteque T 245 fluuio ET cute B, caute ADET 247 hiesus AD 250 praecipe] praeoe Ã, prece D 251 otn. T 252 sol atet v, et sol T luna T 258 affixo T 255 danihel D babilone ABT 259 sic scripsi, ceu wv aliquando cu, quandoque v profetam A 263 confundit A )
- atque suos cantare reos, ardere ministros.
- quonam se miseri poterunt defendere reges,
- qui tam degeneres humanae mentis in illos
- saeuierint, quibus et feritas et flamma pepercit?
- sed uelut aeternos pueris recinentibus hymnos
- roscidus accensos discussit spiritus ignes,
- sic nobis placido Felicis gratia flatu
- adspirante deo bellorum temperet ignes
- ortaque Romuleis reprimens incendia terris
- sollicitos placida iam pace refrigeret aestus
- fessaque restinctis absoluat pectora curis.
- sed cur insipiens, tamquam tibi sim rudis hospes
- oblitusque tui, ueterum te posco parentum
- exemplis, ut opem tribuas in rebus egenis,
- quam tibi dante deo facies tu cedere nobis?
- sat mihi sunt, Felix, uirtutum exempla tuarum,
256