Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. clericus uxorem Christo comente decoram
  2. diligat et pulchram lumine cordis amet
  3. auxilioque uiri diuino munere factam
  4. lector caelesti discat ab historia;
    5. [*]( 114 pedum wl leni add. Schot. ita mg., cod. eim om. 124 mobilis ROSW., nobilis Schot, 125 nisi SchtJt., sibi Lebrun brattea Schot. )
    243
  5. inque uicem mulier, sancto sit ut aequa marito,
  6. mente humili Christum in coniuge suscipiat,
  7. crescat ut in sanctum texta conpagine corpus,
  8. ut sit ei uertex uir, cui Christus apex.
  9. tali coniugio cessauit seruitus Euae,
  10. aequauitque pium libera Sara uirum.
  11. tali lege suis nubentibus adstat Iesus
  12. pronubus et uini nectare mutat aquam.
  13. his Mariam sponsis domini decet adfore matrem,
  14. quae genuit salua uirginitate deum.
  15. namque deus placitum sacrata in uirgine templum
  16. ipse sibi arcano condidit inpluuio,
  17. descendens tacito adlapsu, uelut imber ab alta
  18. nube super uellus rore silente cadit.
  19. nam nemo arcani fuit huius conscius umquam,
  20. quo deus adsumpsit uirgine matre hominem.