Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. mox reduci passim laetantur uere uolucres,
  2. tam uariae linguis quam uersicoloribus alis:
  3. sic et ego hunc agnosco diem, quem sancta quotannis
  4. festa nouant iusto magni Felicis honore.
  5. nunc placidum mihi uer gaudente renascitur anno,
  6. nunc libet ora modis et carmina soluere uotis
  7. uocibus et uernare nouis. deus, influe cordi,
  8. Christe, meo et superis sitientem fontibus exple.
  9. sed de te uel gutta meis aspersa medullis
  10. flumen erit. quid enim mirum, si rore pusillo
  11. tu minimam repleas animam, qui corpore paruo
    12. [*](XXIII. ABDEQ. — incipit VII. B, incipit liber septimus E 4 exh. 206-218, 309—319 2 limine ADQ 3 hiemps ABDQ et infra populis B 8. 1. m. 3 4 frigere Q athuc D medis A fniiids Q1 5 concreto - anno B v 6 iste tamen lucem B 7 cedet B curris Q 8 meror DEQ, moeror B 9 tristiae A cognoscat B 10 mites B, mistis Q herundo AQ 11 alis ABDQ piae] pietate B cognati Q 12 nisi] si B acalantida B, achalSthida E dudu E 18 sepibus BEQ 16 et om. B agnusco Q quodannis BD 17 magno Q 18 num B, tunc ADQ gaudendo B 19 hora AQ carmine B 20 nobis B corda B 21 funtibus Q 22 sed det guta Q 23 flumen] crimen E 24 tu] et Bv )
    195
  12. factus homo aeterno conplesti semine mundum
  13. et totum gutta seruasti sanguinis orbem?
  14. adnue, fons uerbi, uerbum deus, et uelut illam
  15. me modo ueris auem dulci fac uoce canorum,
  16. quae uiridi sub fronte latens solet auia rara
  17. multimodis mulcere modis linguamque per unam
  18. fundere non unas mutato carmine uoces,
  19. unicolor plumis ales, sed picta loquellis.
  20. nunc teretes rotat illa modos, nunc sibila longis