Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. damnatorum onerum, secura liber habendi
  2. paupertate fruor, nec habent inimica segmentum
  3. uincula quo teneant nudum. facili leuis exit
  4. corpore quem nullis suffocat amoribus illex
  5. per uarias species mundi fallentis imago.
  6. o ueneranda mihi et toto pretiosior orbe
  7. pauperies Christi! thesauro caelite ditas
    8. [*]( 486 tegilla Mur., tigilla AD frequantat D 487 superborum AD superborum f. regum fort. 488 relictis AD, relatis Mur. 489 aut] a A, et quae coni. Zechmeister 490 placeat D arbitriis AD, arbitris Mur. 491 umquam AD 493 pauperie tribuit AD. paupere contribuit Mur. 496 quidquid D 498 gemmaeue coni. Zechmeister, gemmaeque AD ille A 500 at A, ad D, ac Mur. 501 damuatorum Mur, damnorum AD 502 fruo A inimica Mur., imma AD segmentum coni. Gitlbauer, sequentum AD 503 facili scripsi, facile AD 504 suffocata moribus D ilex A1 505 falentis A )
    175
  8. quos spolias opibus, terrae quasi rudere purgas,
  9. destruis in nobis terrena, aeterna uicissim
  10. construis, in pretium uitae dispendia terrae
  11. uertis iure nouo, uersa uice detrimenti
  12. atque lucri, ut nobis seruata pecunia damnum,
  13. non seruata lucrum faciat; sed more sinistro
  14. fusa eadem damno est. nec enim nisi nomine Christi
  15. praeceptoque dei cuiquam sua fundere prodest;
  16. nam uere pereunt uitiis inpensa profanis.
  17. luxus et ambitio in magno discrimine morbi
  18. crimen auaritiae pensant, quia par in utroque
  19. causa subest mortis, quam sic maculosa libido
  20. perficit ut rerum mundi malesuada cupido.