Orationes

Orientius, Saint

Orientius, Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. f Tibique, Domine, celsum Cherubim dicatum est,
  2. et illa moles quadriformis machinae
  3. te sempiterno confitentur carmine.
  4. et nos imago consonantis cantici
  5. amen sonamus, alleluia dicimus.
  6. Te septem primi deprecantur angeli,
  7. ceu ciuitatis septem principes uiri,
  8. solio propinqui, ianitores proximi.
  9. et nos imago consonantis cantici
  10. amen sonamus, alleluia dicimus.
  11. Te solis astrum cum sorore menstrua,
  12. Uergiliae Iugula Uesperugo Lucifer,
  13. omnesque guttae praemicantes inuocant.
  14. et nos imago consonantis cantici
  15. amen sonamus, alleluia dicimus.
  16. Aer aquosus siue sudus inuicem,
  17. simulque uenti pluuiae grando flumina,
  18. ritu suomet conditorem concinunt.
  19. et nos imago consonantis cantici
  20. amen sonamus, alleluia dicimus.
  21. Solum statiuum cum fertura mobili
  22. quae paret homini, quaeque f capta de ulla,
  23. tibi cantat ulli, conticescit ceteris.
  24. et nos imago consonantis cantici
  25. amen sonamus, alleluia dicimus.
    26. [*]( INCIPIUNT ORATIONES ORIENTII NUMERO xxiTTi A. hnruni orationum rcstant tantum duae; prior incertum quem ordinem ex XXIIII habuerit, altera ultima est. misere deprauatae sunt, ut emendandi mdla sit probabilis ratio. neque tamen manifesta uitia uelut molis (u. 2), gurgites (u. 27) corrigere dubitaui. ceterum notandum est quod singidae strophae continua scriptura, uelut soluta oratione scriptae, decurrunt 1 TIITIQ. A Fuitne Sapphicus scribae uitio omissus suo loco et huc per errorem translatus? Et tibi celsum Chcrubim dicatum est. 2 moles Conimirius molis A 12 uesperago ut uidetur A 17 fulmina lUtchremius 21 olum A an fetura? captam se negat uel capta nemini Schurzfl. an tractu deuiat? )
    252
  26. Oceane, cinctam qui coerces aream
  27. et intestini fossa media gurgitis,
  28. deum sonantes cum marinis beluis.
  29. et nos imago consonantis cantici
  30. amen sonamus, alleluia dicimus.
  31. - Infernae sedis flamma, fulua tartara,
  32. trucesque praesidentes pariter angeli,
  33. amen minaci decantantes carmine.