De Mortibus Persecutorum

Lactantius

Lactantius. L. Caeli Firmiani Lactanti Opera omnia, Part II, Fasc 2. Brandt, Samuel, editor; Laubmann, Georg, editor. Vienna: Gerold, 1897

parumque hoc fuit, nisi etiam prouinciis ex altiore dignitatis gradu singulos quasi pontifices superponeret, et eos utrosque candidis clamidibus ornatos iussit incedere.

facere autem parabat quae iam dudum in Orientis partibus fecerat. nam cum clementiam specie tenus profiteretur, occidi seruos dei uetuit, debilitari iussit.

itaque confessoribus effodiebantur oculi, amputabantur manus, pedes detruncabantur, nares uel auriculae desecabantur.

Haec ille moliens Constantini litteris deterretur. dissimulauit ergo. et tamen si quis <in manus eius> inciderat, mari occulte mergebantur. consuetudinem quoque suam non intermisit ut in palatio per singulos dies sacrificaretur.

et hoc primus inuenerat, ut animalia omnia quibus uescebatur, [*](euris ap. Bauldrium aliorum coniecturas titulo et tutela affert); tutela ed. Oxon. 1680 2 licere C, corr. Bal suasu] quasi Bal 3 Ipulsus C 4 maiimus C, corr. Bal 7 subnexi C, corr. Bal opera C, corr. Bal nt add. Bal neque] ne quid Gale; conuenticula (uel templa, hoc iam Maucroix et Bauldri) add. Heumann 8 coirent Gale et alii, colerent C; cf. ad u. 9 sed] et Heumann Cpraehensus C, corr. Bal 9 suo, (a er.) C cogerent Bal, coieret (sic) C; litteram i ad corrigendum colerent u. 8 destinatam in hanc uocem inlatam esse coni. anonymus p. 57 12 chlamydibus Bal 13 iam dudum om. Bal 18 litteris Bal, litteras C 19 in manus eius Bauldrium et Maucroixium secuti inseruimus 20 mergebatur cum Bal omnes edd., sed cf. c. 23, 2 unus quisque-aderant (et c. 40, 2 utraque-necabantur); Tacit. Ann. II 24 ut quis-reuenerat, — narrabant 21 palatium C, corr. Bal )

216
non a coquis, sed a sacerdotibus ad aras immolarentur nihilque prorsus mensae adponeretur nisi aut delibatum aut sacrificatum aut perfusum mero, ut quisquis ad cenam uocatus esset, inquinatus inde atque impurus exiret.

in ceteris quoque magistri sui similis. nam si quid reliqui uel Diocles uel Maximianus reliquerant, hic abrasit sine ullo pudore auferens omnia.

itaque horrea priuatorum claudebantur, apothecae obsignabantur, debita in futuros annos exigebantur. hinc fames agris ferentibus, hinc caritas inaudita.

armentorum ac pecorum greges ex agris rapiebantur ad sacrificia cotidiana: quibus suos adeo corruperat, ut aspernarentur annonam. et effundebat passim sine dilectu, sine modo, cum satellites uniuersos, quorum numerus ingens erat, pretiosis uestibus et aureis nummis expungeret, gregariis et tironibus argentum daret, barbaros omni genere largitionis honoraret.