Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Iamque iter ingresso properantibus obuia seruis
  2. Nuntia fama uenit pueroque in luminis oras
  3. Limine de mortis subitam remeasse salutem.
    4. [*]( 329] cf. Ou. Fast. IV 655. 331] cf. Verg. Ge. II 171. 338] of. Verg. Ge. II 523. 341] cf. Verg. Aen. VII 160. 342] cf. Verg. Aeu. IX 474, VII 660. 343] cf. Culex 224. )[*]( 320 alieuae Bb bonos (m. 1) K, fruges RI K2Tl 321 alloquiis CBM alii 322 uenire T\' 323 exortantque JB1 expendere CMLlMpPBl GH, inpendere rell. u. 324 in mg. adscr. M2 327 saeculi Kx quod] d ex n M, qm B saluator BHl 328 DE FILIO REGVLI L Galileam plerique Galilea-regione T iamque iterum terram remeauerat in galileam VxHl 330 anhello MK2, anhelans Bbl 331 ardoris M horis HIN 332 certum H l cursu M 333 praecibus CRM sobolis RPBb profusus Mp\'T\' 335 aceruum RIBI 336 nl M, ni KtKtT 337 sospita M (in mg. adsc.) Rt, suspite T\' 340 laetantin CBb in] om. RV2 342 horas LBzGHl puero resonatque iacenti Poelm. in mg. 343 liminis L1, lumine (m. 1) KtT )
    57
  4. Ille ubi cognouit certum concurrere tempus
  5. Sanantis Christi verbis, seseque domumque
  6. Mancipat amplexus fidei uenerabile donum.
  7. Forte dies epulis multos sociauerat unis,
  8. Publica conductis qui uectigalia lucris
  9. Professi rapiunt alieno nomine praedam.
  10. Hos cum discipulis simul accipiebat Iesus.
  11. Ecce Pharisaei occulto reprehendere risu,
  12. Quod legis doctor conuiuia talia iniret.
  13. Ille sed inspiciens, quid pectora clausa tenerent:
  14. \'Non, inquit, medicis opus est, ubi fortia membra
  15. Intemerata salus uegetat uirtutis honore.
  16. Aegris sed merito miseris adhibenda medella est.
  17. Discite nunc saltem, iubeant quid uerba profetae:
  18. Non ego sacra magis quam mitia pectora quaero.
  19. Haut etenim iustos ueni ad directa uiantes,
  20. Sed reuocare malos peccantum a limite gressus.\'