Epistulae

Jerome, Saint

Jerome, Saint. S. Euesebii Hieronymi Opera, Section 1 (Pars I-III): Sancti Eusebii Hieronymi Epistulae (Corpus Scriptorum Ecclesiasticorum Latinorum, Volume 52-54). Hilberg, Isidor, editor. Vienna, Leipzig: Tempsky, Freytag, 1910-1918.

o si possemus in talem ascendere speculam, de qua uniuersam terram sub nostris pedibus cerneremus! iam tibi ostenderem totius mundi ruinas, gentes gentibus et regnis regna conlisa; alios torqueri, alios necari, alios obrui fluctibus, alios ad seruitutem trahi; hic nuptias, ibi planctum; illos nasci, istos mori; alios affluere diúitiis, alios mendicare; et non Xerxis tantum exercitum, sed totius mundi homines, qui nunc uiuunt, in breui spatio defuturos. uincitur sermo rei magnitudine et minus est omne, quod dicimus.

Redeamus igitur ad nos et quasi e caelo descendentes [*]( 2 *Esai. 30, 17 6 cf. Herodotus VII 46. Plin. epist. III 7, 13 ) [*]( 2 nec] et T ampotemus r abutamur 51 3 statimque-6 planximus om. r cernamus (?) 91 4 filis G telis D pixiles (li eras. K) K\'l\' tyaras DB thyaras K\'I\' galeas G galleis Kp.c.m2Φ (a ex e) W cauallos <P cauallis K (-us m2) W equos K\'l\' equus 21 5 excessibus <P et s. l. K, om. W unus D morte G 6 plangimus D xerses D&B xersis TKW seriir G, ? 31 ille om. T 7 qui—constr. om. r 8 de om. <P 9 fleuisse GB,Ka.r.,?W. 11 possimus UΚΦΨ,Ba.c.m2 specula G speculum D quam G 13 mundi] orbis S et regnis et (et exp.) K regnis et <P et G conlisae KØ concisa G 14 obrui] breui s absorbi D absorberi S quart. alios om. 0 15 hinc G illis s 16 adfl. G afl. VLKD fluere s alt. alias <Pp.c. mendicari D mendicitate contrahi GK\'I\' tantum lersis B lersis K\'TB xerses GDØ 17 exercitum s. l. m2K, om. \'l\' in om. CPB 18 defuncturos ΚΨ 19 dicemus K 20 e] de G discendentes 51K )

574

paulisper nostra uideamus. sentisne, obsecro te, quando infans, quando puer, quando iuuenis, quando robustae aetatis, quando senex factus sis? cotidie morimur, cotidie commutamur et tamen aeternos esse nos credimus. hoc ipsum, quod dicto, quod scribitur, quod relego; quod emendo, de uita mea trahitur. quot puncta notarii, tot meorum damna sunt temporum.

scribimus atque rescribimus, transeunt maria epistulae et findente sulcos carina per singulos fluctus aetatis nostrae momenta minuuntur. solum habemus lucri, quod Christi nobis amore sociamur. caritas patiens est, benigna est; caritas non zelatur, non agit perperam, non inflatur, omnia sustinet, omnia credit, omnia sperat, omnia patitur; caritas numquam excidit. haec semper uiuit in pectore; ob hanc Nepotianus noster absens praesens est et per tanta terrarum spatia diuisos utraque conplectitur manu.