Epistulae

Jerome, Saint

Jerome, Saint. S. Euesebii Hieronymi Opera, Section 1 (Pars I-III): Sancti Eusebii Hieronymi Epistulae (Corpus Scriptorum Ecclesiasticorum Latinorum, Volume 52-54). Hilberg, Isidor, editor. Vienna, Leipzig: Tempsky, Freytag, 1910-1918.

Ego probrosus, ego uersipellis et lubricus, ego mendax et satanae arte decipiens! quid est astutius, haec uel credidisse uel finxisse de insontibus, an etiam de noxiis credere noluisse? osculabantur mihi quidam manus et ore uipereo detrahebant; dolebant labiis, corde gaudebant: uidebat dominus et subsannabat eos et miserum seruum suum futuro cum eis iudicio reseruabat.

alius incessum meum calumniabatur et risum, ille uultui detrahebat, haec in simplicitate aliud suspicetur. paene certe triennio cum eis uixi; multa me uirginum crebro turba circumdedit; diuinos libros, ut potui, nonnullis saepe disserui; lectio adsiduitatem, adsiduitas familiaritatem; familiaritas fiduciam fecerat. dicant, quid umquam in me aliter senserint, quam Christianum decebat? pecuniam cuius accepi? munera uel parua uel magna non spreui? in manu mea aes alicuius insonuit? obliquus sermo, oculus petulans fuit? nihil mihi aliud obicitur nisi sexus meus?, et hoc numquam obicitur, nisi cum Hierosolyma Paula proficiscitur.

esto: crediderunt [*](2 cf. Rom. 14, 4 10 cf. Ps. 2, 4 ) [*](2 putes N 3 dies illa 2B; add. in qua S 4 mec. pariter G ardore non pauco (paucos Na.r.) 2 in mg., D,Np.r. 5 et] ego Ka.c. 6 et] ego K quid enim N est tutius B tutius est N istas astutias (aust- Σ) 2D haec om. N credisse 2\'a.c.D 8 osculabant D michi man. quid. B quid. mihi man. SD 9 uid.] ridebat Engelbrecht coll. Ps. 2, 4 10 eos GK illos cet. miserum GK, add. me cet. \' sera. suum om. N in futuro G cum eis futuro N illis K 11 aliud D calumnietur Ka.c.m2 -ebatur Kp.c.m2 12 uultus N detrahat K haec G hic cet. suspicentur D -cabatur 2NB 13 triennium ZD cum eis s. l. m2 2 illis K turba crebro 2 14 nonnullos N 16 dicant 8. l. K quid umq.] quamquam G in me om. G2 17 cuiusquam 2DNB 18 uel m. uel p. K 19 sonuit N oblicus GN,2a.c.m2 20 aliud om. N nisi] ni G obiceretur 2 (ex obicetur), D 21 hierusolimam 2 (-ro- m2), N hierisolimis K iherosolimam B proficisceretur G isto D et sicut B crediderint Ka.c. crederent G )

325
mentienti; cur non credunt neganti? idem est homo ipse, qui fuerat: fatetur insontem, qui dudum noxium loquebatur; et certe ueritatem magis exprimunt tormenta quam risus, nisi quod facilius creditur, quod aut fictum libenter auditur aut non fictum, ut fingatur, inpellitur.