Epistulae

De neomeniis. In neomenia bucinare tuba praecipitur, id est noua luna, quia, qui in lumine scientiae inluminatus est, praedicare aliis cessare non debet, quod Paulus scientiae Christi fulgore illuminatus obseruare minime contempsit praedicans in synagogis Iudaeorum.

De sacrificiis pauca dicere decreueram, quae, cum hostiae ueri pontificis in se figuram continent, a nobis etiam domino spiritaliter offerri debent. per uitulum enim labor noster, per ouem innocentia, per hircum mortificatio fornicariae uoluptatis, per capram, quae in sublimi pastu pascitur, uita theorica, per arietem uis praedicationis, quae agnos bono pastori generat, per turturem castitas solitariae mentis nemini praeter Christum iunctae, per columbam perspicacia intuitus sacramentorum, per panem soliditas praeceptorum, per similam sinceritas uitae, per uinum et sal ueritas praedicationis, per oleum fomenta karitatis intelliguntur.

quae omnia siue festa siue sacrificia in uno loco celebrari et offerri lex iubet, quia tunc omnia prosunt, cum in unitate ecclesiae sine ullo scismatis errore peraguntur. haec pauca in abysso multa legis praecepta disserens hanc sorbitiunculam diuiti pauper, peregrinus ciui praebere non timui, quia perfecta dilectio foras mittit timorem, credens etiam hoc, o uenerabilis papa, quod plus ualet [*](1 I Ioh. 2, 2 3 cf. II Tim. 4, 18 cf. Matth. 5, 10 6 cf. Leu. 23, 27 7 cf. Ps. 80, 4 . 24 cf. Ps. 35, 7 26 *I Ioh. 4, 18 ) [*]( 1 quap quo Vall. propic. p 2 cessemus Engelbrecht -amus p 3 quieti p quiete Vall. 4 pustentata p substenta Vall. 8 in lumine] inluminatione Engelbrecht inl., sed 10 ill. P 11 Iudaeorum. De sacrificiis om.Vall., qui postea lacunam neglegentia sua ortam coniectura supplere uoluit 14 innocentia ft 15 hyrcum p\' 16 pastu om.Vall. uis scripsi autem p fecunditas aut certe quid simile coni. Vall. 17 turturem castitas praebet codex, non uirtutem castitatis, ut Vall. rele-rt, cuius coniectura non difjert a codicis leclione 19 perspicatia p 24 legus pa.c. deserens p 25 sorbic. /3 cibi P 26 quia om. Vall. .. , .... )

haec autem et a te postulata et a me dicta sunt propter eos, qui, cum in superficie Christiani uideantur, per Iudaici sensus impietatem corpus Christi ecclesiam suis scismatibus scindere non metuunt. haec sub breuitate transcurrimus, quae si per omnia tractarentur, grande uolumen poscerent, quod non huius temporis otium exigit. ora pro me, uenerabilis papa.