Epistulae

Quid ultra differo? cum iam nuptiarum adpropinquaret dies et futuro matrimonio thalamus pararetur, secrete et absque arbitris noctemque habens pro solacio talibus fertur se armasse consiliis: \'quid agis, Demetrias? cur pudicitiam tanto pauore defendis ? libertate opus est et audacia. quae sic in pace metuis, quid faceres in martyrio perpetrando? quae tuorum uultum ferre non potes, quomodo sustineres tribunalia persecutorum ?

si te uirorum exempla non prouocant, hortetur faciatque securam beata martyr Agnes, quae et aetatem uicit et tyrannum et titulum castitatis martyrio coronauit. nescis, misera, nescis, v cui debeas uirginitatem tuam. dudum inter barbaras tremuisti [*]( 2 *Esth. 14, 16 23 cf. Prudentius, Perist. carm. XIV etc. ) [*]( 1 tir. Btyr. cet. oderat] ostenderat A1,om.AII ordinatum A2 2 Esther g ad s.l.AII 3 insignem (m eras.) 93 4 quod D tantam A2 ducebat B inmunditiam A2 5 mulieris om. S 6 uiderunt g et uidere B quae no- runt om.A2 alt. quae in ras.m2B 7 littore Bp.c.m2 8 hostium] hospitium A* affricam Al B 9 conscius D comitatu e(s.l.add. ne m2)rant (uoluit uene- rant) D commitauerant A2 10 lint. numq. om.A2 usa A2 11 strato A3 12 gen. mente B mento Engelbrecht aduoluta B 13 alt. ut] ut ad A* 16 secrete (tert. e in ras.) S secrete All secreta B secreto g alt. et om.AII 17 arbitriis Dp.c.m2 se fertur g 18 quur A1 D,A2^5a.c.m2 pauore] pudore A2 19 libertatem A2 audatiam A2 20 perpetiendo martirio B martyrio perpetiendo g martirio All B tuorum] duarum J2 22 et faciat All securam s.l.m2ad,om.Ba.c.m2 23 martyraa1/) pr. et s.l.m2%S,om.A1 B alt. et exp.A* tyr.] durandum A2 24 consecrauit g 25 uirg. tuam deb. £ ) [*]( 12* )

urbs tua, quondam orbis caput, Romani populi sepulchrum est, et tu in Libyco litore exulem uirum ipsa exul accipies? quam habitura pronubam? quo deducenda comitatu? stridor linguae Punicae procacia tibi fescennina cantabit. rumpe moras omnes. perfecta dilectio forasmittit timorem. adsume scutum fidei, loricam iustitiae, galeam salutis, procede ad proelium. habet et seruata pudicitia martyrium suum. quid metuis auiam? quid formidas parentem? forsitan et ipsae uelint, quod te uelle non credunt.

his inflammata stimulis omnem corporis cultum et habitum saecularem quasi propositi sui inpedimenta proiecit. pretiosa monilia et graues censibus uniones ardentesque gemmae redduntur scriniis, uili tunica induitur, uiliori tegitur pallio et insperata auiae genibus repente prouoluitur fletu tantum et planctibus, quae esset, ostendens.

obstipuit sancta et grauis femina alienum habitum in nepte conspiciens, mater gaudio stabat adtonita. utraque uerum non credere, quod uerum esse cupiebant. haesit uox faucibus et inter ruborem atque pallorem metumque ac laetitiam cogitationes uariae mutabantur.