Epistulae

Saepe a me, Innocenti carissime, postulasti, ut de eius miraculo rei, quae in nostram aetatem inciderat, non tacerem. cumque ego id uerecunde et uere, ut nunc experior, negarem meque adsequi posse diffiderem, siue quia omnis humanus sermo inferior esset laude caelesti, siue quia otium quasi quaedam ingenii robigo paruulam licet facultatem pristini siccasset eloquii, tu e contrario adserebas in dei rebus non possibilitatem inspici debere, sed animum, neque eum posse uerba deficere, qui credidisset in uerbo.

Quid igitur faciam? quod inplere non possum, negare non audeo. super onerariam nauem rudis uector inponor et [*]( 12 cf. Ioh. 1, 1 ) [*](Ad hanc epistulam recensendam codices adhibiti sunt hi:) [*](K = Spinaliensis 68 s. VIII. ) [*](L = Coloniensis 35 s. IX. ) [*](S — Turicensis Augiensis 41 s. IX. ) [*](D — Vaticanus lat. 355 + 356 s. IX-X. ) [*](8 — Casinensis 91 s. X-Xl. ) [*](Q = Duacensis 247 s. XI. ) [*](B = Berolinensis lat. 18 s. XII. ) [*](2 ad innocentium presbiterum de septies percussa L2, om. presbiterum cet.; Hieronymi nomen exhibent tituli in DsQB 4 rei mir. 2Ds 5 in om. S nostra aetate codd. praeter KB acciderat 2sQ,Ba.c.m2 accederat D 6 ergo Ba.c. et uere et (et pr. eras., et alt. exp.) B 7 sermo hum. S 8 esset KQ est (in ras. m2 B) cet. 9 rubigo codd. praeter K pristina Ba.c.m2 10 diuinis Ds 11 deberi K animam LZ eum(ei Qp.c.)posse KQ posse eum (eiBp.c.m2) cet. 12uerba] uerbo 2Ds uerbum S 14 honorariam D nauim Q ) [*]( LIV. Hieron. Epist. I. ) [*]( 1 )

hortaris, ut tumida malo uela suspendam, rudentes explicem, clauum regam. pareo iam iubenti et, quia caritas omnia potest, spiritu sancto cursum prosequente confidam habiturus in utraque parte solacium: si me ad optatos portus aestus adpulerit, gubernator putabor; si inter asperos orationis anfractus inpolitus sermo substiterit, facultatem forsitan quaeras, uoluntatem certe flagitare non poteris.