Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Belliger algenti sonipes nutrite sub axe,
  2. Per Tanais medium pectora sicca ferens,
  3. Cana pruinosis mandentem gramina lustris,
  4. Virtus lege poli quem sibi percoluit,
  5. Post domitas gentes, post flumina tanta cruoris,
  6. Alter te dominus, sed manet ipse labor.
  7. Linque precor lituum, cantus passure beatos:
  8. Captiuus pacis mitteris obsequiis.
  9. Nil tibi cum bellis: commendant bucina letum:
  10. Quid iuuat expertas semper amare neces?