Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Barbaricam faciem Romanos sumere cultus
  2. Miror et inmodico distinctas corpore gentes.
    LVIII. ALITER.
  1. Romuleam tegetem nox oris nubila fuscat:
  2. Oppressit uestes tenebroso tegmine uultus.
    LVIIII. ALITER.
  1. Nobilibus tollis genium, male compte, lacernis,
  2. Discordes miscens inimico foedere proles.
    LX. IN BASILICA SANCTI CALEMERI QVANDO REPARATA EST.
  1. Libera captiuum meruerunt culmina lumen,
  2. Adridet facies nubila nulla gerens.
  3. Hic nuper astrigeri dos proxima uenit Olympi,
  4. Laurenti uatis ducta ministerio,