Carmina
Ennodius, Magnus Felix
Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.
- Perfunctus primis recidiua pericula uidi.
- Ille triumphator tiro ad certamina Nerei
- Frigida per liquidas gestabam pectora limphas
- Et siccis oculis respexi marmoris iras:
- 45 Cum subito absorptum uidit uetus accola pontum,
- Risit et abiecti restantia signa pauoris.
- Ditia permixto fulgebant arua metallo,
- Eridanus claris radiabat comptus arenis.
- Nauita me laetus suscepit protinus alno,
- Sarcina cui felix dudum concesserat omen.
- Indoctus clauum rexit de pondere tutus
- Et me festiuis Christo duce pertulit oris.