Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Nerone felix principe,
  2. Diuersa perpessus mala,.
  3. Lustrauit orbem non graui
  4. Pauore cordis algidus:
  5. Sed ut profanis inderet
  6. Quo calle conscendant polos,
  7. Verus magister actibus
  8. Exempla, non uerbis dedit.
  9. Nam ductor ille fortis est,
  10. Qui bella uiribus docet.
  11. Quem dicta militem trahunt,
  12. Si dux gerendis abstinet?
  13. Ventosa linguae hortatio
  14. Quod forma praestat non habet.
  15. Sed magna postquam semina
  16. Scribente terram sarculo.
  17. Glebis refudit optimis,
  18. Mediolanum mox petit,
  19. In qua triumpho nobili
  20. Carnis ruinam reppulit.