Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. hostilesque domos uisaque expromere uobis. [*](515 )
  2. omnibus e tribubus primi placuere tribuni.
  3. quorum nota fides nequaquam dissona posset
  4. dicere, uel ciues mendaci eludere fatu.
  5. et nunc si parilis perstat reuerentia nostri
  6. nominis et nullis uentosa emittimus orsa. [*](520 )
  7. credite conpertis; nam quae fiducia ciues
  8. fallere nos faciat, domini responsa sequentes
  9. uobiscum parilique modo per cuncta uadentes?
  10. quae quidam metuenda putant, dum uultibus albus
  11. pallor inest sensusque labant formidine capti [*](525)
  12. uana quidem. quia iussa dei nos maxima firmant
  13. nec uinci pelliue sinunt, licet alta gigantes
  14. colla leuent densoque obponant milite turmas.
  15. nobis terra patet, post quam perditibus aruis
  16. felicem lustrasse iuuat, quae flumine multo [*](530 )
  17. actis opima fluit et dulcis gurgite mellis.
  18. uos tantum ne corda deo disiungite sancto.
  19. neu timidas cohibete manus; quia signa sequentes
  20. numquam uicta dei famulans uictoria ditat.*-